Det er slike dagar ein ser at staden ber namnet sitt med rette.
Månedarkiv for juni, 2010
Vi tek eit steg om gongen og kanskje ein og annan krokveg.
Teposar av plastnetting. Eg ser dykk for meg, de lovlydige kjeldesorterarar som med trugsmål om bot frå reinhaldsverket klipper opp teposane i plast og sorterer matavfall for seg restavfall (eller plast ?) for seg. Det er trass alt enklare med gamlesorten, men eg er ikkje heilt trygg på kva eg bør gjere med den vesle stiften som held tråden fast i papirposen.
Det vert sagt at i framtida må ein av tre utdanne seg til ein jobb i helsevesenet. Då tykkjer ikkje eg det verkar så urimeleg om ein av hundre kunne leve av å produsere maten vår.
Kor mange gonger i løpet av ein time må ein knyte skosnorene sine før ein har rett til å gje snorene skulda ? Jaudå, eg kan alltids slå ein dobbelknute, men eg meiner; vi lever i verdas rikaste land i 2010 og vi kan fjernstyre bilar på Mars. Det må då kunne gå an å lage skosnorer som fungerer.
Frå i dag og eit halvt år framover vert dagane kortare og nettene mørkare. Dette biletet er teke den våtaste dagen i fjor haust. No, 9 månader seinare , har eg berre gode minne. Men eg er ikkje heilt trygg på at Coolpixen har blitt heilt seg sjølv etterpå.
Eit knøttlite utsnitt av eit bilete teke på frihand med 300mm tele. Og som om ikkje det var nok, gjort ekstra uskarpt i PS.
Der er ingen mønster, men du kan skape deg ei samanhengande linje ved å fokusere selektivt. Det er slik ein lagar konspirasjonsteoriar.
Gode dagar for klimaskeptikarane. I går kom folk på jobb og hadde skrapa is av bilane sine. 15. juni. Det må vere ein eller annan med stor innverknad på store ting som ikkje har sett grafen til Al Gore.
Og som du ser, var det på tide å kome seg heim.
Siste kommentarer